|
|
|
|
مدرس لغة عربية يحوّل شخصيات التاريخ فى المناهج إلى واقع
محمد جمال العزالي, عبدالرحمن جمال
هل تخيلت يومًا أن تتحول المناهج الدراسية إلى واقع فعلى؟ أن تدرس شخصيات التاريخ، فتراها كتابة على السبورة وتجسيدًا فى حصة الدرس! هذا ما يفعله «محمد على»، مدرس لغة عربية للصف الثالث الإعدادى، بأحد المراكز التعليمية، بحى عين شمس شرق القاهرة، والذى قرر الخروج عن النص داخل قاعة التدريس، فاستأجر بدلة جاهزة، واستعان بماكيير ووضع «شارب ولحية وباروكة» وجسّد شخصيات تاريخية لتسهيل المناهج على الطلبة.
ويقول «على» لـ«المصرى اليوم»: «فكرت فى تجسيد الشخصيات للمرحلة الإعدادية، لأن المرحلة الإعدادية مهمة جدًا، فبناخد فرع القصة، ونحاول نجسد له شخصياته، وقلنا نجرب التجربة دى، وفعلًا التجربة نجحت. لما قارنت الدرس اللى بيتشرح بتجسيد شخصيات، واللى بيتشرح عادى من غير تجسيد، فى فرق كبير جدًا الطلبة أصلاً بتخرج من الحصة حافظة الدرس، وفاكراه بكل تفاصيله».
لاقت هذه التجربة استحسان جميع الطلبة، وبدأ «على» بتجسيد شخصية «نجم الدين أيوب» بمشاركة «شجرة الدر» والأخيرة كانت «لويس التاسع»، مما كان له بالغ الأثر على استفادة الطلاب.
ويتابع مدرس اللغة العربية: «بدأت بتجسيد شخصية نجم الدين أيوب، وكان معايا ناس بتساعدنى كانوا عاملين شجرة الدّر وفخر الدين بن شيخ الشيوخ فكررناها تانى، وعملت شخصية لويس التاسع، شرحت فيها القصة كلها كاملة، فبسأل الطلبة أسئلة مهمة جدًا زى أسئلة الامتحانات بيجاوبوا عليها من غير ما يبصوا فى الملزمة أو يفتحوا الكتاب».
لم يبخل «أحمد طلعت» صاحب المركز التعليمى بشراء كل المستلزمات التى يحتاجها المعلمون فى تبسيط المناهج على الطلبة فقال: «تعاقدنا مع مدرسين كبار، اتفقنا مع ماكير، ونزلنا جبنا اللبس وكل حاجة محتاجاها الشخصيات اللى بيقلدوها، فالإقبال على المادة نفسها بقى كويس جدًا، ابتدى كل طالب يكلم أصحابه ويجيبهم، والموضوع ده زود ثقة أولياء الأمور فينا وفتحنا فرع تانى فى منطقة تانية ابتدى ناس تكلمنا إنهم عايزين يعملوا النظام ده فى الثانوية العامة».
المصري اليوم
|
|
|
|
|
|
